Raayyaan Ittisa Biyyaa ergama isaa sirnaan bahaacha jira-Fiild Maarshaal Birhaanuu Juulaa

Finfinnee, Waxabajjii 15, 2017(FMC)- Raayyaan Ittisa Biyyaa ergama isaa sirnaan bahaacha jira jedhan Itaamaajoor Shuumiin Waliigalaa Humnoota Waraanaa Fiild Maarshaal Birhaanuu Juulaan.

Kolleejjiin Waraanaa Raayyaa Ittisaa hoggantoota olaanoo damee waraanaa fi tikaa bara barnootaa 2017’tti sagantaa idileen leenjisaa ture 330 eebbisiise.

Sagantaa eebba kanaarratti argamuun haasaawaa kan taasisan Itaamaajor Shumiin Waliigalaa Humnoota Waraanaa Fiild Maarshaal Birhaanuu Juulaan, Raayyaan Ittisa Biyyaa ergama isaa sirnaan bahaacha jira jedhan.

Raayyaan Ittisa Biyyaa qormaata kamiifuu osoo hin jilbeenfatiin dirqama isaa ciminaan bahaachaa balaa biyyatti aggaamame kamiifuu osoo hin jilbeenfatin injifannoon biyya ceesisuu himan.

Raayyaan Ittisaa teeknoloojii yeroo waliin deemu hidhachuun qophaa’ummaa isaa guyyaa guyyaan cimsachaa imala guddinaa Itiyoophiyaa dhugoomsuuf halkaniifi guyyaa dirqama itti kenname ciminaa fi kutannoon bahaacha jiras jedhan.

Eebbifamtonni guyyaa har’as walabummaa biyyaa akkaataa barbaadameen tiksuun beekumsa barnootaan argatan hojiirra oolchuun gahee isaanii bahachuu akka qaban dhaaman.

Raayyaan Ittisa Biyyaa humnaa fi gahumsa aggammii biyyatti dhufu kamuu qolachuu danda’u kan ijaaree ta’u kan kaasan Fiild Maarshaal Birhaanuun, hoggansi sadarkaan jiru nageenya, diinagdee fi dimookiraasiirratti cimee hojjechuu akka qabus hubachiisan.

Dassaalany Abarraatu gabaase.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FBC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.