Sagantaan Maaddii Guutuu oomishtummaa guddisuun birmadummaa nyaataa mirkaneessuu keessatti gumaacha taasisaa jira

Finfinnee, Hagayya 3, 2017 (FMC) – Sagantaan Maaddii Guutuu oomishtummaa guddisuun birmadummaa nyaataa mirkaneessuu keessatti gumaacha olaanaa bahachaa jira jedhe Ministeerri Qonnaa.

Sosochiin misooma beelladaa fi biqiltuu nyaata horii dhaabuu har’a naannoo Sidaamaatti gaggeeffameera.

Sagantaan Maaddii Guutuu waggoottan sadan darban sadarkaa biyyaatti hojiirra oole bu’aa olaanaa galmeessuu Ministir Deetaan Ministeera Qonnaa Dooktar Fiqiruu Raggaasaan saganticharratti ibsaniiru.

Sagantichi birmadummaa nyaataa mirkaneessuu keessatti gumachaa olaanaa bahachaa jiraachuu himan.

Damichi lammiileef hedduu carraa hojii uumuu eeran.

Sanyii beelladoota miiliyoona 5 fooyyessuu fi Killee biiliyoona 12 oomishuuf hojjetamaa jiraachuu kan dubbatan Dooktar Fiqiruun, oomisha Qurxummii fi dammaanis hojiilee bal’an hojjetamaa jiraachuu ibsuu TOI gabaaseera.

Hojiin Maaddii Guutuu naannoo Sidaamaatti hojjetame sadarkaa biyyaatti fakkeenya kan ta’uudha jedhan.

Bu’aa argame itti fufsiisuuf qindoominaan hojjechuun murteessaa ta’uu yaadachiisan

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: www.facebook.com/afaanoromoofana

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.