Shaampiyoonaa Atileetiksiin Dorgommiin Fiigicha Meetira Kuma 5 Dhiirootaan har’a ni gaggeeffama

Finfinnee, Fulbaana 11, 2018 (FMC)- Jaappaan Tookiyootti gaggeeffamaa kan jiru Shaampiyoonaan Atileetiksii Addunyaa 20ffaa guyyaa xumuraan har’a dorgommiin fiigicha meetira kuma 5 dhiirootaan ni gaggeeffama.

Dorgommichi guyyaa sa’aatii 7:47 irratti kan gaggeeffamu yoo ta’uu, Itiyoophiyaa bakka bu’uun Atileet Hagos Gabrahiwoot fi Biiniyaam Maharii ni dorgomu.

Itiyoophiyaan Dorgommii Shaampiyoonaa Atileetiksii Addunyaa 20ffaan hanga ammatti Meedaaliyaa meetii 2 fi Nahaasii 2 argachuun sadarkaa 20ffaarratti argamti.

Ameerikaan Warqee 12, Meetii 4 fi Nahaasii 4 waliigala Meedaaliyaa 20 argachuun sadarkaa 1ffaarratti argamti.

Keeniyaan Warqee 5 Meetii 2 fi Nahaasii 2 waliigala meedaaliyaa 10’n sadarkaa 2ffaar qabateetti.

Kaanaadaan Warqee 3 fi Nahaasii 1 argachuun sadarkaa 3ffaa irratti argamti.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.