Shaampiyoonaan Atileetiksii Itiyoophiyaa umrii waggaa 18 fi 20 gadii oolmaan guyyaa 5ffaa itti fufeera
Finfinnee, Caamsaa 22, 2017 (FMC) – Dorgommii tarkaanfii meetira kuma 10 har’a gaggeeffameen Atileet Hiiwoot Ambaaw fi Atileet Abdusalaam Abdulwahaab injifataniiru.
Dorgommii meetira kuma 10 dubartoota gidduutti dorgomameen Atileet Hiwoot Ambaaw Itiyoo Elektirikii irraa 1ffaan yoo xumurtu, Atileet Birhaan Muluu Baankii Daldala Itiyoophiyaa irraa 2ffaa fi Atileet Abbabuu Ayyaalaw Machaal irraa 3ffaa bahuun xumuraniiru.
Dorgommii Atileetoota dhiirotaa umrii 20 gadii gidduutti gaggeeffameen ammoo Atileet Abdusalaam Abdulwahaab Lammii Kuraa irraa 1ffaa yoo xumuru, Atileet Yidaar Maaruu Baankii Daldala Itiyoophiyaa irraa 2ffaa fi Atileet Ahimad Hasan Bulchiinsa magaalaa Finfinnee irraa 3ffaa bahuun xumuraniiruu.
Gama biroon dorgommii fiigicha xumuraa meetira kuma 3 dubartoota umrii 20 gadii gidduutti gaggeeffameen Atileet Beteliheem Xilahuun Yuunivarsiitii Salaalee irraa 1ffaa bahuun yoo injifattu, Atileet Ziyaan Ayyaalinyi Itiyoo Elektirik Elektirikirraa 2ffaan, Atileet Nigist Moollaan immoo Poolisii Naannoo Tigiraay irraa 3ffaa bahuun xumuraniiru.
Nageessoo Kadirtu gabaase.