Taphoota Piriimeer Liigii Ingiliiz torbee 3ffaa

Finfinnee, Hagayya 24, 2017 (FMC) – Taphoonni Piriimeer Liigii Ingiliiz torbee 3ffaan tapha har’a Cheelsiin Fuulhaam keessummeessuun eegalama.

Har’a waaree booda sa’aatii 8:30 eegalee falmiin Cheelsiin Fuulhaam waliin taasisu ni eegama.

Sa’aatii 11:00 eegalee taphoonni 4 kan gaggeeffamu yoo ta’u, Maanchiister Yuunaayitiid – Barnileey, Sandarlaandi – Bireenftifoordi, Tootenhaam – Boornimaawuuz, Woolviis – Eevartan waliin yoo morkatan, galgala sa’aatii 1:30 jalqabee Liidis Yuunaayitiid – Niwuukaasiil waliin falmata.

Sagantaan torbee 3ffaa kun borus kan itti fufu yoo ta’u, taphni Liivarpuul Arsenaal keessummeessu hawwiin eegama.

Boru waaree booda sa’aatii 10:00 jalqabee Biraayitan – Maanchiisteer Siitii, Notingihaam Forset ammoo Weest Haam waliin taphatu.

Galgala sa’aatii:12:30 eegalee morkiin Liiveerpuuli fi Arsenaal gidduutti godhamu xiyyeeffannoo argateera.

Halkan sa’aatii 3:00 jalqabee Astoon Viilaan Kiristaal Paalaas waliin taphata.
Arsenaal qabxii 6fi galchii 6’n liigicha dursaa jira.

Tootenhaam qabxii 6 fi galchii 5  yoo itti aanu, Liiverpuul qabxii 6 fi galchii 3 walitti qabachuun sadarkaa 3ffaarratti argama

#Oromia#Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.