Tuutni Gadaa Michillee walannaasaa Halchiisaaf Gooba kenne

Finfinnee, Mudde 27, 2018 (FMC) – Tuutni Gadaa Michillee walannaasaa Halchiisaaf Gooba kenneera.

Sirni Gadaa Oromoo aangoo karaa nagayaatiin walii dabarsuu qofa osoo hin ta’in aangoo wal shaakalsiisuun hawaasni karaa guutuu ta’een akka bulu kan taasisuudha.

Sirna Gadaa Karrayyuuttis Gadaan Baallii harkaa qabu tokko waggaa jahaaf erga bulchee booda Gadaa itti aanu shaakalchiisuuf walannaasaaf Gooba/Irreessa kennee aangoo qooda.

Guyyaa har’aas Gadaa Karrayyuutti tuutni Gadaa Michillee Gabalaan Baasoo ardaa jilaa Tarree Leediitti godaansarra ture buttaa qaluun walannaasaa Halchiisaaf Gooba/Irreessa kenneera.

Tuutni Gadaa Michillee Gabalaan Baasoo sirna kana gaggeessuuf guyyootaaf ardaa jilaa Tarree Leedii qubatee ture sirnoota aadaa hunda walduraa duuban raawwachuun buttaa qaluun walannaasaa Gadaa Halchiisaaf Gooba/Irreessa kenneera.

Tuutni Gadaa Halchiisaa har’a Gooba/Irreessa fudhates waggoota lamaan dhufan shaakaluun waggaa lama booda guutummaatti Baallii gadoomaa fudhachuun hawaasa kan tajaajilu ta’uu ragaan BKO ni mul’isa.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.