Walga’ii Idileen Hojii Raawwachiiftoota Gamtaa Afrikaa Boruu fi Iftaan taa’ama

Finfinnee, Guraandhala 3, 2018 (FMC) – Walga’ii Idileen Hojii Raawwachiiftoota Gamtaa Afrikaa 48ffaan Boruu fi Iftaan Magaalaa Finfinneetti taa’ama.

Walga’ichi mata duree ‘Dhiyeessii bishaanii itti fufiinsa qabuu fi sirnoota eegumsa qulqullinaa nageenumaan isaa eegame mirkaneessuu, Milkaa’ina galmoota Ajandaa 2026’ jedhuun gaggeeffama.

Ministiroonni Alaa biyyoota Afrikaa garaagaraa walga’icharratti hirmaachuuf Finfinnee gala jiru.

Kanaanis Ministirri Alaa Seeraaliyoon Muusaa Tiimootii Kaabaa, Kan Rippaablika Diimookiraatawaa Araba Saahiraawwii Mahaammad Yesliim Beeyisaatii fi kan Mooriitaaniyaa Mohaammad Saaleem Ood Marzoog Finfinnee galaniiru.

Akkasuma Ministirri Alaa Naayijeeriyaa Yeesuuf Maayitaamaa Tuugaar, Ministirr Alaa fi Tumsa Idil Addunyaa Maalaawwii Dooktar Joorji Taapootuulaa fi kan Zaambiyaa Mulaamboo Hayibeenis Finfinnee galuun kan yaadatamuudha.

Dabalataan Ministiroonni Alaa Burundii, Rippaabliika Koongoo fi Somaaliyaa walga’icharratti hirmaachuuf Finfinnee galaniiru.

Ministiroonni kunneen Ajandaa Yaa’ii Idilee Hoggantoota Gamtaa Afrikaa 39ffaaf dhiyaatu ni raggaasisuun eegama.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.