Xiyyaaronni Humna Galaanaa Ameerikaa lama Kibba Galaana Chaayinaatti kufuun caccaban

Finfinnee, Onkololeessa 17, 2018 (FMC) – Xiyyaaronni Humna Galaanaa Ameerikaa lama garaagarummaa daqiiqaa 30 keessatti Kibba Galaana Chaayinaatti kufuun caccabuun gabaafame.

Xiyyaaroonni kunneen Galaana Kibba Chaayinaatti wayita hojii idilee raawwatan balaan kun isaan mudachuutu ibsame.

Hojjettonni balallii taasisaa turan shan balicharraa ooluu fi xiyyaaronni caccaban kunneen gara Humna Galaanaa Ameerikaatti ergamuutu eerame.

Taateen kun taatee hin baramne ta’uu kan ibsan Pireezidaantiin Ameerikaa Doonaald Tiraampi, rakkoo hanqina boba’aa ta’uu akka malu eeran.

Ka’umsi balichaa qulqullaa’aa jiraachuu fi yeroo dhiyootti kan ifoomu ta’uu kaasan.

Balaa Xiyyaarota lameen mudate Mootummaan Chaayinaa qorachaa jiraachuu Dubbii Himaan Ministeera Dhimma Alaa Chaayinaa Guu Jiyaakuun dubbachuu ‘Reuters’ gabaaseera.

Miikiyaas Ayyaalaatiin

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.