Xiyyaarri waraanaa Raashiyaa kufee caccabuun imaltoonni hundi du’an

Finfinnee, Bitootessa 23, 2018(FMC) – Xiyyaarri waraanaa Raashiyaa naannawaa daangaa Yuukreen bulchiinsa Kiriimiiyaatti kufee caccabuun imaltoonni hundi du’uu isaanii gabaafame.

Xiyyaarri Waraanaa AN – 26 jedhamu imaltoota 23 fi hojjettoota balallii 6 fe’ee imalaa turuu Ministeerri Raayyaa Ittisaa Raashiyaa beeksiseera.

Xiyyaarichi wayita bulchiinsa Kiriimiiyaan darbaa jiru sararri walqunnaamtii adda cituu eeruun, boodarras kufee caccabuu ibseera.

Kanaanis imaltoonnii fi hojjettoonni balallii hundi du’uu isaanii gareen lubbuu baraartootaa bakkichatti argame ibseera.

Xiyyaarichi dirree dhagaa ta’erratti kufuun isaa balicha caalmaatti hammeessuu himeera.

Ka’umsa balichaa qorachuuf anga’oonni Raashiyaa naannawichatti hojii eegaluu TRT’n gabaaseera.

Miikiyaas Ayyalaatiin

#Oromia #Ethiopia