መንግስቲ ምኽረ ሓሳባት ንምትግባር ዘለዎ ድልውነት ምግላፁ ንውፅኢታውነቱ መሰረት እዩ – መስፍን ኣርኣያ (ፕሮፌሰር)

ኣዲስ ኣበባ፣ 8 ጥቅምቲ፣ 2019 (ኤፍ ኤም ሲ)ንሃገራዊ ምርድዳእ ዝሕግዙ ምኽረ ሓሳባት ንምትግባር መንግስቲ ድልውነቱ ምግላፁ መሰረት ውፅኢታውነቱ እዩ ኢሎም ዋና ኮሚሽነር ኮሚሽን ሃገራዊ ዘተ መስፍን ኣርኣያ (ፕ/ር)።

እቶም ኮሚሽነር ከም ዝበልዎ፤ ሃገራዊ ጉባኤ ዘተ ኢትዮጵያውያን ኣብ ታሪኾም ንፈለማ እዋን ብሓድነት ተኣኪቦም ብዛዕባ ሃገራዊ ጉዳያት ብሰፊሑ ዝተመያየጡሉ እዩ።

ፓርቲታት ፖለቲካ ዝተፈላለዩ ኣረኣእያታትን ፍልልያትን እንተሃሊዮም እውን ዘተ ንዘላቒ ልምዓትን ሰላምን እታ ሃገር ኣዝዩ ኣገዳሲ እዩ ኣብ ዝብል ሓባራዊ መርገፂ ከም ዝበፅሑ ብምግላፅ፤ ኣብዚ ታሪኻዊ ከይዲ ዘተ 42 ፓርቲታት ፖለቲካ ብንጥፈትን ብስምዒት ባዕላዊ ተሳትፎን ከም ዝተሳተፉ እውን ተዛሪቦም።

ኣብ ዝተፈላለዩ ክፋላት እታ ሃገር እናተንቀሳቐሱ ካብ ዝፀንሑ ጉጅለ ዕጡቓት ናብ ሰላማዊ መንገዲ ብምምላስ ኣጀንዳታት ዘቕረቡ ከም ዘለዉ ብምሕባር፤ እቲ ከይዲ ምኽክር ድምፂ ኩሎም ወገናት ዝተሰምዐሉ፣ ተሳትፎኣውነትን ሓቛፍነትን ዘረጋገፀ ታሪኻዊ ፍፃመ ኮይኑ ከም ዝተመዝገበ ኣገንዚቦም።

ተቐባልነት መንግስቲን ህዝባዊ እምነትን ምጥንኻር፣ ንዘላቒ ሰላም፣ ማሕበራዊ ምርግጋእን ሓፈሻዊ ዕብየትን ሓንቲ ሃገር ንምርግጋፅ መሰረታዊ ጉዳይ ከምዝኾነ ኣልዒሎም።

ሃገራዊ ምርድዳእ ንምዕሳልን ዘላቒ መፍትሒ ንምምፃእ ዘኽእሉ ዝተፈላለዩ ምኽረ ሓሳባት ንምትግባር መንግስቲ ድልውነቱ ምግላፁ ንውፅኢታውነት እቲ ከይዲ ልዑል ስጉምቲ ምዃኑ ምግላፆም ግዜኢ ፀብፂቡ።

#ኢትዮጵያ #ዓባይሃገር #ዓብዪህዝቢ #ዓብዪራኢ