ሰራዊት ምክልኻል ምስ እቲ ዘበን ዝበፅሖ ዕብየት ቴክኖሎጂ ዓርሱ እናወሃሃደ እዩ – ሌ/ጄ ይልማ መርዳሳ

ማእኸል ሳይበር ምክልኻል ዘሰልጠኖም መሰረታዊ ሰልጠንቲ ሳይበር ሎሚ ኣመሪቑ፡፡

ሌ/ጄ ይልማ መርዳሳ ኣብቲ መርሃ ግብሪ ከምዝበልዎ፤ ምህዳር ሳይበር ብምስፋሕ ህልውና ሃገር ክፈታተኑ ንዝኽእሉ ቀትርን ለይትን ብንቕሓት ምሕላው የድሊ።

ሰራዊት ምክልኻል ምስ እቲ ዘመን ዝበፅሖ ዕብየት ቴክኖሎጂ ዓርሱ እናወሃሃደ ምኻኑ ብምግላፅ፤ እቲ ሰራዊት ኣብምህዳር ሳይበር ዘለዎ ድልውነት ከጎልብት ከምዘለዎ ሓቢሮም፡፡

እቲ ሰራዊት ድሕሪ እቲ ለውጢ ኣወዳድባ ሓይሊ ባሕሪን ምህዳር ሳይበርን ብልዑል ብርኪ ብምምሕያሽ ዘንፀላልዉ ውሽጣውን ግዳማውን መጥቃዕትታት ምፍሻል ምኽኣሉ ኣብሪሆም።

ኣብዚ ሕዚ ስራሕቲ ድጂታል እናሰፍሑን እናተቐየሩን ብምህላዎም ማእኸል እቲ ሳይበር ሃፍቲን ደሕንነትን እቲ ትካል ንምሕላው ተግባር ምስልጣን ክጠናኸር ከምዘግባእ ሓቢሮም፡፡

መጥቃዕቲ ሳይበር ዓውዲ ኲናትን ዓቕሚ ውግእን ብልዑል ኩነታት ዝፈታተን ብምዃኑ ሃገራውን ትካላውን ሃፍትታት ዲጂታል 24 ስዓት ነቒሑ ምሕላው እቲ ዘመን ዝሓቶ ስራሕ እዩ ክብሉ ምትሕስሳሶም ኦንላይን ሚዲያ ስራዊት ምክልኻል ንፋና ዲጅታል ገሊፁ።