ያታ ኣፍሪካ ብኣፍሪካዊ ቅኒት ንዓለም ምግላፅ ይግባእ

On Aug 29, 2025 4

ኣዲስ ኣበባ፣ 23 ነሓሰ፣ 2017 (ኤፍ ኤም ሲ)ምሁራን ጋዜጠኝነትን ኮሙዩኒኬሽንን ያታ ኣፍሪካ ብኣፍሪካዊ ቅኒት፤ ብኣፍሪካውያን ኣንደበት ንህዝቢ ዓለም ምግላፅ ይግባእ ኢሎም።

ፋና ሚዲያ ኮርፖሬሽን ምስ ዩኒቨርሲቲ ኮሙኒኬሽን ቻይናን ኢኒሼቲቭ ኮንስትራክቲቭ ጆርናሊዝም ፓን ኣፍሪካን ብምትሕብባር ዘሰናደኦ ዓለም ለኸ ጉባኤ ኣብ ኣዲስ ኣበባ ተኻይዱ።

ኣማኻሪ ዋና ፈፃሚ ስራሕ ፋና ሚዲያ ኮርፖሬሽን ዳዊት መሰፍን ኻብቲ መድረኽ ከምዝበሉዎ÷ መራኸብቲ ሓፋሽ ፀገማት ብምስ መፍትሒታቶም፤ ጉድለት ምስ መበገሲኡ ኣብ ምጥቋም ኣድሂቦም ክሰርሑ ኣለዎም።

መራኸብቲ ሓፋሽ በዚ መሰረት እንድሕር ሰሪሖም ናይ ሃገር ሙሉእ መልክዕ ከርእዩ ከምዝኽእሉ ኣብሪሆም።

ኣብ ዩኒቨርሲቲ ኮሙኒኬሽን ቻይና መመህርን ተመራማሪትን ዓለም ለኸ ርክብ ዣንግ ያግንቺዉ (ፕ/ር)፤ ጥንክርቲን ዝማዕበለትን ቻይና ጋህዲ ኣብ ምግባር ከይዲ ግደ መራኸብቲ ሓፋሽ ሃናፂ ከምዝነበረ ሓቢረን።

መራኸብቲ ሓፋሽ ኢትዮጵያ ሓድነት ኣብ ዘፅንዑ፣ ሓድነት ህዝቢ ኣብ ዘጠናኽሩን ብሄራዊ ረብሓ ኣብ ዘኽብሩን ኣጀንዳታት ሓራዊ ቅዋም ክሕዙ ከምዘለዎም ኣገንዚበን።

ኣብቲ መድረኽ ዝተሳተፉ ምሁራን ዩኒቨርሲቲታት ኢትዮጵያ፣ ታንዛኒያ፣ ቻይናን ዝተፈላለያ ሃገራትን ብግደኦም፤ ያታ ኣፍሪካ ብኣፍሪካዊ ቅኒት፤ ብኣፍሪካውያን ኣንደበት ንህዝቢ ዓለም ምግላፅ ከምዝግባእ ገሊፆም።

ነዚ ድማ ዓለም ለኸ ተወዳዳራይነት መራኸብቲ ሓፋሽን ጋዜጠኛታትን ምፍራይ ከምዘድሊ ሓቢሮም።

ስሉጥን እዋናዊን ሓበሬታ ንምርካብ፦

Telegram t.me/tigrignafana ይከታተሉና፡፡

ኩሉ ግዘ ምሳና ስለዝኾንኩም ነመስግን!