ህገ-ወጥ ድርጅቶች ሲጠቀሙባቸው ከነበሩ የካሽሬጂስተር ማሽኖች ከ32 ቢሊየን ብር በላይ ሀሰተኛ ግብይት ተፈጽሟል
አዲስ አበባ፣ ህዳር 27፣ 2014 (ኤፍ ቢ ሲ) ህገ-ወጥ ድርጅቶች ሲጠቀሙባቸው ከነበሩ የካሽ ሬጂስተር ማሽኖች ከ32 ቢሊየን ብር በላይ ሀሰተኛ ግብይት መፈፀሙን የገቢዎች ሚኒስቴር አስታወቀ፡፡
ሚኒስቴሩ ሰሞኑን 63 ህገ-ወጥ ድርጅቶች እና ለህገ-ወጥ ዓላማ ሲውሉ የነበሩ 20 የሽያጭ መመዘገቢያ መሳሪያዎች መያዙን ይፋ ማድረጉ ይታወሳል፡፡
በሽያጭ መመዝገቢያ ማሽኖች 32 ቢሊየን 527 ሚሊየን 510 ሺህ 503 ብር ከ5 ሳንቲም ዋጋ ያላቸው ሀሰተኛ ደረሰኞች ወይም ሀሰተኛ ግብይቶች እንደተሳራባቸው በማሽኖቹ ላይ በተደረገው ምርመራ ማረጋገጥ ተችሏል፡፡
በተያያዘ ደረሰኝ የማይቆርጡድርጅቶች ላይ በተደረገ ክትትል 199 ሰዎች በህግ ቁጥጥር ስር ውለው ተጠያቂ እንዲሆኑ መደረጉን ከሚኒስቴሩ ያገኘነው መረጃ ያመላክታል፡፡
በታክስ አስተዳደር አዋጅ 983/2008 አንቀፅ 108 ድንጋጌ መሠረት 8 ሚሊየን 150 ሺህ ብር አስተዳደራዊ ቅጣት እንዲጣልባቸውም ተወስኗል፡፡
ህብረተሰቡ ሀሰተኛ ደረሰኝ የሚያሰራጩና በግብይት ወቅት አጠራጣሪ ሁኔታ ሲያጋጥመው በአቅራቢያው ወደ ሚገኝ የታክስ ማዕከልና የፀጥታ አካላት በማሳወቅ ትብብር እንዲያደርግም ሚኒስቴሩ ጥሪ አቅርቧል፡፡
አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!