ከ90 በላይ ስደተኞች በሜዲትራንያን ባህር መስጠማቸው ተሰማ

አዲስ አበባ፣ መጋቢት 26፣ 2014 (ኤፍ ቢ ሲ) ከ90 በላይ ስደተኞችን የጫነች ጀልባ በሜዲትራንያን ባህር መስጠሟ ተሰማ።

ጀልባዋ በሳምንቱ መጨረሻ ከሊቢያ ስደተኞችን ጭና ወደ አውሮፓ ለማሻገር ስትሞክር መስጠሟን አሶሺየትድ ፕረስን ጠቅሶ ሲ ጂ ቲ ኤን ዘግቧል።

አፍሪካውያን ስደተኞች በሜዲትራንያን ባህር ወደ አውሮፓ ለመሻገር ሊቢያን እንደ መነሻ ይጠቀማሉ።

ይሁን እንጅ በዚህ ጉዞ በርካቶች የባህር ሲሳይ ሆነው እንደሚቀሩ መረጃዎች ያመላክታሉ።

ከፈረንጆቹ ጥር 1 እስከ መጋቢት 28 ድረስ ባለው ጊዜ ውስጥ ወደ 300 የሚጠጉ ስደተኞች በማዕከላዊ ሜዲትራንያን ባህር ሰጥመው ህይወታቸው እንዳለፈ የዓለም አቀፉ ስደተኞች ድርጅት አስታውቋል፡፡

ባለፈው አመትም 1 ሺህ 553 ስደተኞች በዚህ ጉዞ ለህልፈት መዳረጋቸውን ድርጅቱ አስታውሷል።