የአካባቢውን ታሪክና የተፈጥሮ ጸጋ ያጣመረው ሀላላ ኬላ ሪዞርት…

On Jun 24, 2025 115

አዲስ አበባ፣ ሰኔ 17፣ 2017 (ኤፍ ኤም ሲ) የመንግስት እና የግሉ ዘርፍ የሚዲያና ኮሙኒኬሽን ባለሙያዎች የሀላላ ኬላ ሪዞርትን ጎብኝተዋል።

ባለሙያዎቹ ከጠቅላይ ሚኒስትር ዐቢይ አሕመድ (ዶ/ር) ጋር ከተወያዩ በኋላ ነው ዳውሮ ዞን የሚገኘውን ሀላላ ኬላ የጎበኙት፡፡

የገበታ ለሀገር ኮይሻ ፕሮጀክት አካል የሆነው ሀላላ ኬላ ሪዞርት የአካባቢውን ታሪክ እና የተፈጥሮ ጸጋ አጣምሮ የያዘ ውብ ስፍራ ነው።

ባለሙያዎቹ የጊቤ ሦስት የኃይል ማመንጫ የፈጠረውን ሰው ሰራሽ ሃይቅ የመስህብ ሥፍራ እና የንጉስ ሀላላ ካብንም ተዘዋውረው ተመልክተዋል፡፡

ሀላላ ኬላ ሪዞርት ዓለም አቀፍ ደረጃን የጠበቁ የመዝናኛ ሥፍራዎች፣ ባሕላዊ እና ታሪካዊ ቅርሶችን የያዘ ሙዚዬም እንዲሁም መሰብሰቢያ አዳራሾችን አካትቶ ይዟል፡፡

ሪዞርቱ የዳውሮ ሕዝብ ጥንታዊ የካባ አሰራር መልክን የገለጠ እና የሀገርን ጸጋ ወደ ኢኮኖሚያዊ ተጠቃሚነት የቀየረ መሆኑን የሚዲያና ኮሙኒኬሽን ባለሙያዎች ተናግረዋል።

ፕሮጀክቱ ለአካባቢው ወጣቶች የሥራ እድል በመፍጠር ረገድ በሰው ሰራሽ ሐይቁ በአሳ ማጥመድ እና ጀልባ ሽርሽር ተደራጅተው ተጠቃሚ እንዲሆኑ ማስቻሉ የሚበረታታ ነው ብለዋል።

መንግስት በብዝሃ ዘርፍ ኢኮኖሚ ለቱሪዝም ዘርፍ የሰጠው ትኩረት ውጤታማነት ማሳያ አንዱ ምልክት ሀላላ ኬላ እንደሆነም ባለሙያዎቹ አብራርተዋል።

በኃይለኢየሱስ መኮንን

ፈጣን እና ወቅታዊ መረጃዎችን ለማግኘት፡-