ኢትዮ ጅቡቲ ባቡር የአፍሪካ የኢኮኖሚ ትብብር ተምሳሌት ነው – ዓለሙ ስሜ (ዶ/ር)

On Aug 1, 2025 57

አዲስ አበባ፣ ሐምሌ 25፣ 2017 (ኤፍ ኤም ሲ) ኢትዮ ጅቡቲ ባቡር የአፍሪካ የኢኮኖሚ ትብብር ተምሳሌት ነው አሉ የትራንስፖርትና ሎጂስቲክስ ሚኒስትር ዓለሙ ስሜ (ዶ/ር)።

“የባቡር መሠረተ ልማት ለንግድና ቀጣናዊ ትስስር” በሚል ሐሳብ የፓናል ውይይት እየተካሄደ ይገኛል።

በውይይቱ ዓለሙ ስሜ (ዶ/ር)፣ የገንዘብ ሚኒስትር አሕመድ ሺዴ፣ የብሄራዊ ባንክ ገዢ ማሞ ምህረቱ፣ የኢትዮ ጅቡቲ ባቡር አክሲዮን ማህበር ዋና ስራ አስፈፃሚ ታከለ ኡማ፣ የጅቡቲ ተወካዮች እና ሌሎች ባለድርሻ አካላት ተገኝተዋል።

ዓለሙ ስሜ (ዶ/ር) በዚሁ ወቅት ኢትዮ ጅቡቲ ባቡር የአፍሪካ የኢኮኖሚ ትብብር ተምሳሌት መሆኑን ገልጸው÷ በባቡር ትራንስፖርት ኢትዮጵያን ከአፍሪካ ቀንድ ሀገራት ጋር ለማስተሳሰር እየተሰራ ነው ብለዋል።

የገንዘብ ሚኒስትር አሕመድ ሺዴ በበኩላቸው÷ የጅቡቲ ወደብ የጭነት ማንሳት አቅምን የሚያሳድግ መሆኑን አንስተው÷ የአፍሪካ ነፃ የንግድ ቀጣናን ያሳልጣልም ነው ያሉት።

የኢትዮ ጅቡቲ ባቡር አክሲዮን ማህበር ዋና ስራ አስፈፃሚ ታከለ ኡማ የተቋሙን አሰራር ዘመናዊ የማድረግ ሥራዎች በመሰራታቸው ከዘርፋ መገኘት የሚገባንን ጥቅም እያገኘን ነው ብለዋል።

በቅድስት አባተ

ፈጣን እና ወቅታዊ መረጃዎችን ለማግኘት፡-