የዜጎችን የታዳሽ ሃይል ተጠቃሚነት ይበልጥ ለማሳደግ እየተሰራ ነው

ሚኒስቴሩ በካፋ ዞን አዲዮ ወረዳ ያስገነባውን የሶላር ሚኒግሪድ ኃይል ማመንጫ ፕሮጀክት በዛሬው ዕለት አስመርቋል፡፡

ፕሮጀክቱ ከሶላር ሚኒግሪድ 300 ኪሎ ዋት ሃይል በማመንጨት 1 ሺህ 500 አባወራዎችን የኤሌክትሪክ ሃይል ተጠቃሚ ማድረግ ያስችላል፡፡

የውሃና ኢነርጂ ሚኒስትር ዴዔታ ሱልጣን ወሊ (ዶ/ር) በዚህ ወቅት እንዳሉት÷ የማሕበረሰቡን የታዳሽ ሃይል ተጠቃሚነት ለማረጋገጥ በርካታ መሰል ፕሮጀክቶች እየተከናወኑ ይገኛሉ፡፡

ባለፉት ሁለት ወራት 10 ፕሮጀክቶች ወደ ሥራ መግባታቸውን ጠቁመው÷ በቀጣይ አንድ ወር ውስጥ 6 ፕሮጀክቶችን ወደ ሥራ ለማስገባት እየተሰራ ነው ብለዋል፡፡

የክልሉ ም/ርዕሰ መስተዳድርና የግብርና ቢሮ ኃላፊ ማስረሻ በላቸው በበኩላቸው÷ፕሮጀክቱ የነዋሪዎችን ጥያቄ በተግባር በመፍታት ፍትሃዊ ተጠቃሚነትን ያረጋገጠ መሆኑን አንስተዋል።

በአሸናፊ ሽብሩ