ኮቪድ-19ን ለመከላከል የተሰሩ ሥራዎችን የሚያሳይ አውደርዕይ ተከፈተ

አውደርዕይው የከፍተኛ ትምህርት ተቋማት በ2012 ዓ.ም ኮቪድ-19ን ለመከላከል እንዲውሉ ያከናወኗቸው አበይት ተግባራትና ውጤቶችን ለመገምገምና ልምድ ለመለዋወጥ ያለመ ነው ተብሏል።

በዚህ አውደርዕይ ላይ የከፍተኛ ትምህርት ተቋማት በምርምር፣ በማህበረሰብ አቀፍ አገልግሎትና በቴክኖሎጂ ሽግግር ያከናወኗቸውን አበይት ተግባራት ይዘው መቅረባቸው ተገልጿል።

በአውደርዕዩ 40 የሚጠጉ ዩኒቨርስቲዎች ተሳታፊዎች ሲሆኑ ለአንድ ሳምንት ክፍት ሆኖ እንደሚቆይ ከሳይንስና ከፍተኛ ትምህርት ሚኒስቴር ያገኘነው መረጃ ያመላክታል።

#FBC
የዜና ሰዓት ሳይጠብቁ የፋና ብሮድካስቲንግ ኮርፖሬትን ትኩስ እና ሰበር ዜናዎችን በፍጥነት በአጭር የፅሁፍ መልዕክት መልክ በስልክዎ ላይ እንዲደርስዎ ወደ 8111 OK ብለው ይላኩ።