በሰሜን ሸዋ ዞን የአሸባሪው ሸኔ አባላት በቁጥጥር ስር ዋሉ

የሽብር ቡድኖቹ ይጠቀሙባቸው የነበሩ ክላንሽኮቭ ጠብ መንጃዎች፣ የእጅ ቦምቦች፣ ሽጉጦች፣ የቡድን መሳሪያዎችና ተተኳሽ ጥይቶች መያዛቸውን አመልክተዋል፡፡

የፀጥታ አካላቱ በተጠርጣሪዎች መኖሪያ ቤቶች ባደረገው ድንገተኛ ፍተሻ በአንድ ግለሰብ መኖሪያ ቤት በርካታ የፀጥታ አስከባሪዎች አልባሳት፣ ሀሰተኛ የነዋሪዎች መታወቂያና ሰነዶች መያዛቸውን ተናግረዋል፡፡

ከዚህ ባለፈም በርካታ ፀጉረ ልውጥ ሰዎችና የአሸባሪው ሸኔ መረጃ አቀባባዮች በቁጥጥር ስር ውለው ጉዳያቸው እየተጣራ መሆኑን ገልፀዋል፡፡

አሸባሪዎቹን ህወሓትና ሸኔ በመደምሰስ የሕልውና ዘመቻውን በድል ለማጠናቀቅ የአስቸኳይ ጊዜ አዋጅ መምሪያ ዕዝ ከሕዝብ ጋር ሆኖ በቅንጅት እየተሰራ ነው ማለታቸውን ኢዜአ ዘግቧል።

በዚህም አሸባሪው ሸኔ ሲንቀሳቀስባቸው በነበሩ አንዳንድ አካባቢዎች ትምህርት ቤቶች፣ ጤና ተቋማትና ሌሎች ማህበራዊና ኢኮኖሚያያዊ የአገልግሎት መስጫዎች ስራ እንዲጀምሩ በቅንጅት እየተሰራ መሆኑን ነው የተናገሩት።

ህብረተሰቡ አካባቢውን በንቃት በመጠበቅ፣ ሰርጎ ገቦችን በማጋለጥና የሀሰት ፕሮፖጋንዳ ባለማስተጋባት የህልውና ዘመቻውን እንዲያግዝ ጥሪ አቅርበዋል።