በምሳሌነት ሲጠቀሱ የነበሩት አንዳንድ የምእራቡ ዓለም ሚዲያዎች የጥፋትና የውሸት ምሳሌ እየሆኑ ነው-ምሁራን
አዲስ አበባ፣ ህዳር 19፣ 2014 (ኤፍ ቢ ሲ) በጋዜጠኝነት ትምህርት በምሳሌነት ሲጠቀሱ የነበሩት አንዳንድ የምእራቡ ዓለም ሚዲያዎች የጥፋትና የውሸት መገለጫዎች መሆናቸውን በግልጽ እየታዘብናቸው መጥተናል ሲሉ የዘርፉ ምሁራን ተናገሩ።
አሜሪካና አንዳንድ የምዕራቡ አለም ሚዲያዎች በኢትዮጵያ ያለውን እውነታ በካደ መልኩ የሃሰትና ፍፁም ወገናዊነት የሚታይበት ዘገባ ማሰራጨቱን ተያይዘውታል።
መገናኛ ብዙሃኑ የዓለም አቀፉ ማህበረሰብ እውነታውን እንዳይረዳ በማሳሳት በኢትዮጵያ ላይ የተዛባ ምልከታ እንዲኖር እየሰሩም ይገኛሉ።
በጅማ ዩኒቨርሲቲ የሚዲያና ኮሙኒኬሽን መምህር ዶክተር ደመላሽ መንግስቱ÷በጋዜጠኝነት ትምህርት በምሳሌነት ይጠቀሱ የነበሩት በርካታ ዓለም አቀፍ ሚዲያዎች የጥፋትና የውሸት መገለጫዎች መሆናቸውን በግልጽ እየታዘብናቸው መጥተናል ብለዋል።
ለጋዜጠኝነት ስነ ምግባር መርህ ከመገዛት ይልቅ ለቆሙለት አላማ በወገናዊነት እየሰሩ በመሆኑ “ሁላችንም ለምን ብለን እንድንጠይቅ አድርጎናል” ነው ያሉት ዶክተር ደመላሽ።
በዩኒቨርሲቲው የሚዲያና ኮሙኒኬሽን መምህር ዶክተር ጌታቸው ጥላሁን በበኩላቸው የምእራቡ ዓለም ሚዲያዎች “እኛን የጋዜጠኝነት ሙያዊ ስነ ምግባር እያስተማሩ እነርሱ ግን በተግባር ተቃራኒ መሆናቸውን ታዝበናቸዋል” ብለዋል።
በጋዜጠኝነት ሙያ በምሳሌነት እየጠቀስናቸው መማሪያና ማስተማሪያ ያደረግናቸው አንዳንድ የምእራቡ ዓለም ሚዲያዎች ለሙያው ሳይሆን ለቆሙለት ዓላማ እየሰሩ መሆናቸውን የጠቀሱት ዶክተር ጌታቸው፤ ”የአገራችን ሚዲያዎችም ኢትዮጵያንና ህዝቧን አስቀድመው ሊሰሩ ይገባል ማለታቸዉን ኢዜአ ዘግቧል።
አካባቢዎን ይጠብቁ!
ወደ ግንባር ይዝመቱ!
መከላከያን ይደግፉ!
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!