Dooktar Abiy Ahimad Ikoo Loojii Danbii Eebbisan

Finfinnee, Amajjii 10, 2018 (FMC)- Ministirri Muummee FDRI Dooktar Abiy Ahimad hojii Maaddii dhalootaan bakka gahuumsaa jalqabaa kan ta’eefi lafa bosonaafi qabeenya uumamaa heektaara 36.7 irratti kan ijaarame Ikoo Loojii Danbii ifatti eebbisaniiru.

Ikoo Loojiin waggoottan torban darban damee tuurizimii biyyattii itti fufiinsaan misoomuu, qabeenya hambaalee waggoottaniif turuu danda’aniifi carraa sadarkaa idil addunyaatti eeguu uumuufi walsimsuun haggam akka jijjiirame agarsiiftuu ta’uun ibsameera.

Hojiin Maaddii Dhalootaaf bakka gahuumsaa sadarkaa idil addunyaa eeggataniin misoomsuun dandeettii kuufama qabeenyaa biyyattii mul’isuuf qaama tarsimoo bal’aa biyyaalessaa ta’uunis eerameera.

Ministira Muummee FDRI Dooktar Abiy Ahimadiin eegalamanii milka’inaan hojiirra kan oolan Sagantaa Maaddii Shaggarii fi Maaddiin Biyyaaf kan itti fufe fi hojiilee kanneen gara naannawaa haaraatti kan babal’ise yoo ta’e qabeenya Uumamaa, Aadaa fi hambaa fi muuxannoo waliin qindeessuun kan raawwatameedha.

Hojiileen kunneen magaalaa fi bakka gahuumsa uumamaa gara tuurizimii hawwataatti kan jijjiiran ta’uu ragaan Waajjira Ministira Muummeerraa argame ni mul’isa.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.