ሕብረተሰብ ንሕሙማት ኩላሊት ደገፍ ሕክምና ክገብር ፃውዒት ቀሪቡ

On Aug 14, 2025 1

ኣዲስ ኣበባ፣ 8 ነሓሰ፣ 2017 (ኤፍ ኤም ሲ) ሕብረተሰብ ንሕሙማት ኩላሊት ደገፍ ሕክምና ክገብር ትካል ግብረ ሰናይ ዳያሊሲስ ሕሙማት ኩላሊት ፃውዒት ኣቕሪቡ።

እቲ ትካል ገባሪ ሰናይ ሕሙማት ኩላሊት ንቕለ ተኸላ ክሳብ ዝገብሩ ንሕፅበት ኩላሊት (ዲያሊሲስ) ዘድልዮም ወፃኢታት ንምሽፋን ደገፍ ክገብር ምፅንሑ ገሊፁ፡፡

እቶም ሕሙማት ንቕለ ተኸላ ንኽገብሩ ግንዛበ ናይ ምውሃብ ስራሕቲ ዝተሰርሑ እንትኾን ኩላሊት ዝህቡ ሰባት ብዘይምህለዎም፤ መብዛሕትኦም ሕሙማት ብሰንኪ ሕፅረት ለገስቲ ኩላሊት ኣብ ዓብዩ ፀገም ይርከቡ።

እቲ ትካል ዝህቦ ደገፍ ብሰንኪ ልዑል ወፃኢታት ግልጋሎት ሕክምና ናብ ብዙሓት ሕሙማት ክበፅሕ ከምዘይከኣለ ኣፅንኦት ሂቡ።

ስለዝኾነ ሕብረተሰብ ንሕሙማት ኩላሊት ዘድሊ ድጋፍ ክገብር ፃውዒት ቀሪቡ።

ስሉጥን እዋናዊን ሓበሬታ ንምርካብ፦

Telegram t.me/tigrignafana ይከታተሉና፡፡

ኩሉ ግዘ ምሳና ስለዝኾንኩም ነመስግን!