ኢትዮጵያ በቢእዋኑ ብታሪኻውያን ፀላእቲ እንተተፈተነት እውን ሰራዊት ምክልኻል ድሌቶም እናፍሸሎ ይርከብ – ፊልድ ማርሻል ብርሃኑ ጁላ

ኣዲስ ኣበባ፣ 18 ሓምለ፣ 2018 (ኤፍ.ኤም.ሲ)ኢትዮጵያ ኣብ ኩሉ ግዘ ብታሪኻውያን ፀላእቲን ብናይ ውሽጢ ባንዳታትን እንተተፈተነት እውን ጅግና ሰራዊት ምክልኻል ኢትዮጵያ ድሌቶም እናፍሸለ ይርከብ ኢሎም ላዕለዋይ ኢታማዦር ሹም ሓይልታት ጦር ፊልድ ማርሻል ብርሃኑ ጁላ።

ኣብ ሆለታ ዝርከብ ቀፅሪ ወታደራዊ ኣካዳሚ ኢትዮጵያ ንመበል 71 ዙር ዘሰልጠኖም መተማ ኮርስ ሕፁያት መኮንናት ኣመሪቑ።

ኣብቲ ስነ ስርዓት ምረቓ ዝተረኽቡ ፊልድ ማርሻል ብርሃኑ ጁላ ከምዝበልዎ፤ ኣብ ዞባ ምብራቕ ኣፍሪካ እትርከብ ኢትዮጵያ ካብ ጥንቲ ጀሚራ ብታሪኻውያን ፀላእቲ እናተፈተነት ፀኒሓ እያ።

ብታሪኻውያን ፀላእቲን ባንዳታትን ዝተፈፀመ እኩይ ውዲት ጉድኣት ኣየብፅሐን ዋላ ክበሃል እንተዘይከኣለ፤ ጅግና ሰራዊት ምክልኻል ኢትዮጵያ ግን ነቲ ውዲት ብጅግንነት እናፍሸለ ይርከብ ኢሎም።

ኢትዮጵያ እውን ፈተናታት ዋላ እንተበዝሑዋ፤ ብጀጋኑ ደቃ ነቲ ፈተና እናሓለፈት ትርከብ ክብሉ ገሊፆም።

ተመረቕቲ ወታደራዊ ኣካዳሚ ኢትዮጵያ ነዚ ዘኹርዕ ቃልሲ ክቕፅል ንምግባር በቢዘመኑ ንሃገሮም መስዋእቲ እናኸፈሉ ከምዝርከቡ ገሊፆም።

እቲ ኣካዳሚ ንኢትዮጵያ ዘቐፅሉ ጀጋኑ መኮንናት ዘፍረየ ማእኸል ወታደራዊ ልህቀት ከምዝኾነ ብምሕባር፤ ስርዓተ ትምህርቱ ድማ ምስ ጠለባት እዚ ዘበን ዝሰማማዕ ፍልጠት ብምዝማን፣ ብምምሕያሽን ንተካላዊ ፕሮፌሽናሊዝም ዝምቹን መደላድል ከምዝፈጠረ ፀሪሖም።

ሕፁያት መኮንናት ብስልጠና ዝረኸቡዎ ፍልጠት ዝድንፍዕ ኣብ ዝምደቡሉ ክፍሊ ሰራዊት ብተግባር ብዝረኽብዎ ተሞክሮን ፍልጠትን ከምዝዓቢ ብምሕባር፤ ዝቐሰሙዎ ፍልጠት ተግባራዊ ክገብሩ ከምዝግባእ ምትሕስሳቦም ኦንላይን ሚድያ ምክልኻል ንፋና ዲጂታል ዝለኣኾ ሓበሬታ የመላኽት።