እቲ ሃገራዊ ዘተ ብዝፈጥሮ ጥጡሕ ባይታ ዝተማልአ ፖለቲካዊ ስርዓት ትግበራ ትራንስፎርሜሽን ንምዕዋት ክስራሕ እዩ – ኣይተ ኣደም ፋራህ

ኣዲስ ኣበባ፣ 29 ሓምለ፣ 2018 (ኤፍ.ኤም.ሲ)ሃገራዊ ዘተ ብዝፈጥሮ ጥጡሕ ባይታ ዝተማልአ ፖለቲካዊ ስርዓት ትግበራ ትራንስፎርሜሽን ንምዕዋት ክስራሕ እዩ ኢሎም ምክትል ፕሬዚዳንት ፓርቲ ብልፅግናን ሓላፊ ዋና ቤት ፅሕፈትን ኣይተ ኣደም ፋራህ።

ዋና ቤት ፅሕፈት ፓርቲ ብልፅግና ገምጋምን ኣፈፃፅማ በጀት ዓመት ትልሚ 2018 ዓ.ምን ምፍላጥ ትልሚ በጀት ዓመት 2019 ዝጠመተ መድረኽ ኣካይዱ።

ኣይተ ኣደም ፋራህ ኣብቲ መድረኽ ከምዝበልዎ፤ ኣብ ዝሓለፉ ዓመታት ኣብ ፖለቲካ፣ ኢኮኖሚ፣ ማሕበራዊን ዲፕሎማሲያዊን ዓውዲታት ዝተኻየዱ ሰፋሕቲ ስራሕቲ ሪፎርም ዘዕግብ ውፅኢት ተመዝጊቦም።

ኣብ ቀፃሊ ድማ ሃገራዊ ዘተ ብዝፈጥሮ ጥጡሕ ባይታ ብምጥቃም፣ ካብ ሪፎርም ናብ ዝተማልአ ትራንስፎርሜሽን ፖለቲካዊ ስርዓት ንምእታው ከምዝስራሕ ኣመልኪቶም።

ፅንፈኝነት ብምንካይ ያታ ምትእስሳር ክጉልብት ብምግባርን ከምኡ እውን ጥንኩራት ትካላት ንምፍጣር ዝተጀመሩ ስራሕቲ ስታንዳርዳይዜሽን ተጠናኺሮም ክቕፅሉ ከምዝግባእ ኣገንዚቦም።

ብፓርቲ ብልፅግና ዝምራሕ መንግስቲ መደመር፤ ጥንኩር መንግስቲን ጥንኩር ሃገር ንምህናፅ ዘኽእሉ ውፅኢታዊ ስራሕቲ ፓርቲን ከምዝተወገነ ኣብሪሆም።

ኣመራርሓን ኣባላትን ሓዊሱ ኩሉ ውዳበ ብምንቕቓሕ ህዝቢ ተጠቃሚ ዝገብሩ ስራሕቲ ልምዓት ከምዝተኻየዱ እውን ኣመልኪቶም።

ኣመራርሓን ሰራሕተኛታትን እቲ ቤት ፅሕፈት ንዝተመዝገበ ልዑል ውፅኢት ዘበርከትዎ ኣስተዋፅኦ ምስጋና ምቕራቦም ሓበሬታ እቲ ፓርቲ ኣመልኪቱ።