ኢትዮጵያ እየተካሄደ በሚገኘው በአፍሪካ የማዕድን ጉባዔ ላይ እየተሳተፈች ነው

አዲስ አበባ፣ ጳጉሜን 2፣ 2015 (ኤፍ ቢ ሲ) ኢትዮጵያ በአውስትራሊያ እየተካሄደ በሚገኘው በአፍሪካ የማዕድን ጉባዔ ላይ እየተሳተፈች ነው፡፡

በጉባዔው የማዕድን ሚኒስትር ዴዔታ ሚሊዮን ማቲዎስ የታደሙ ሲሆን ÷ የኢትዮጵያ የማዕድን ሃብትና የኢንቨስትመንት አማራጮች ላይ ማብራራታቸው ተገልጿል።

ዓለም አቀፍ ኩባንያዎች በወርቅ ፍለጋና ምርት፣ በነዳጅና በተፈጥሮ ጋዝ ልማት ፣ በማዳበሪያ ምርትና በሌሎችም ዘርፎች እንዲሰማሩ ሚኒስትር ዴዔታው ጥሪ ማቅረባቸውን ከሚኒስቴሩ ያገኘነው መረጃ ያመላክታል።

በዘርፉ ለሚሰማሩ ዓለም አቀፍ ኩባንያዎች መንግስት ሁለንተናዊ ድጋፍ እንደሚያደርግም ማረጋገጣቸው ተጠቁሟል።