ተጨማሪ 250 ሰዎች የኮሮና ቫይረስ ሲገኝባቸው የ8ሰው ህይወት አልፏል

ከዚህ ውስጥ 177 አዲስ አበባ፣ 21 ትግራይ ክልል፣ 20 አማራ ክልል፣ 18 ጋምቤላ ክልል፣ 8 ኦሮሚያ ክልል፣ 4 ሶማሌ ክልል፣ 1 ድሬዳዋ እና 1 ከቤኒሻንጉል ጉሙዝ ክልል ናቸው፡፡

ከዚህ በተጨማሪም በትናንትናው እለት የ8 ሰዎች ህይወት (7 ከአዲስ አበባ እና 1 ከድሬዳዋ) ማለፉም ተገልጿል፡፡

ይህን ተከትሎም በኮሮና ቫይረስ ለህልፈት የተዳረጉ ሰዎች ቁጥር 89 ደርሷል፡፡

በሌላ በኩል በትናንትናው እለት 144 ሰዎች (123 ከአዲስ አበባ፣ ከአማራ እና ትግራይ ክልሎች ሰባት ሰባት፣ ከሶማሌ ክልል 5 እንዲሁም ከኦሮሚያ ክልል 2) ከቫይረሱ ሲያገግሙ በአጠቃላይ 1 ሺህ 688 ሰዎች ከቫይረሱ አገግመዋል፡፡

እስካሁን ለ237 ሺህ 464 ሰዎች የለቦራቶሪ ምርመራ ተደርጎ 5 ሺህ 425 ሰዎች ቫይረሱ ተገኝቶባቸዋል፡፡