የሀገርን ደህንነት አደጋ ላይ በመጣልና የመንግስትን ሚስጥር ለሽብር ቡድን አሳልፎ በመስጠት ወንጀል የተጠረጠሩ ግለሰቦች ፍርድ ቤት ቀረቡ

መርማሪ ፖሊስ እስካሁን በተጠርጣሪዎች ላይ የሰራቸውን መርምራ ለፍርድ ቤቱ
ያብራራ ሲሆን፥ የሰው ምስክር መቀበሉንና የመንግስትን ሚስጥር አሳልፈው መስጠታቸውን የሚያስረዱ ማስረጃዎች መሰብሰቡን ተናግሯል።

በሀገሪቱ ሁከትና አመፅ እንዲፈጠር ሲሰሩ ነበር ያለው መርማሪ ፖሊስ፤ በሰኔ 22 እና 23 2012 ዓ.ም የሀገሪቱን ህገ መንግስት በሀይል ለማፍረስ ከሌሎች የሽብር ቡድኖች ጋር በመስራት ተጠርጥረው ምርመራ እየተደረገባቸው መሆኑን አስረድቷል። ለተጨማሪ ምርመራ 14 ቀን እንዲሰጠውም ጠይቋል።

የተጠርጣሪ ጠበቆች በበኩላቸው በድጋሚ ተይዘው መቅረባቸው ተገቢነት የለውም፤ ተጨማሪ ጊዜ ሊፈቀድ አይገባም የሚል መቃወሚያ አቀርበዋል። ተጠርጣሪዎቹ በዋስ እንዲወጡም ጠይቀዋል።

ጉዳዩን የተከታተለው ፍርድ ቤቱ መዝገቡን አስቀርቦ መርምሮ ትዛዝ ለመስጠት ለነሃሴ 11 ቀን 2012 ዓ.ም ተለዋጭ ቀጠሮ ሰጥቷል።

በታሪክ አዱኛ

#FBC

የዜና ሰዓት ሳይጠብቁ የፋና ብሮድካስቲንግ ኮርፖሬትን ትኩስ እና ሰበር ዜናዎችን በፍጥነት በአጭር የፅሁፍ መልዕክት መልክ በስልክዎ ላይ እንዲደርስዎ ወደ 8111 OK ብለው ይላኩ።