ለምን እንመርጣለን? ምርጫስ ለምን?

🫵 ለምን እንመርጣለን? ምርጫስ ለምን?

በዲሞክራሲያዊ አስተዳደር ሥርዓት ዜጎች ነጻ የሆነ ሀሳባቸውን የሚገልጹበት እና ሀገርን የሚያስተዳደሩ ብቁ ዕጩዎችን ለሥልጣን የሚያበቁበት አንዱ መንገድ ድምፅ መስጠት ወይም መምረጥ ነው፡፡

ስለዚህም የዜጎች መምረጥ፡-

👉የዲሞክራሲያዊ አስተዳደር ቁልፍ ጽንሰ ሃሳብ የሚረጋገጥበት፣

👉በህዝብ የተወከለ መንግሥትን የሚያቋቁሙበት፣

👉እኩልነትን የሚያረጋግጡበት፣

👉የሀገር ፍቅርን የሚገልጹበት እና ዘመናዊነትን የሚለማመዱበት፣

👉በሀገራቸው ጉዳይ ላይ የየግል አሻራቸውን የሚያኖሩበት፣

👉የመረጧቸው ተወካዮችን ተጠያቂነትን የሚያረጋግጡበት፣

👉በተለያዩ ሀገር አቀፍ እና ዓለም አቀፍ መድረኮች የሚወክላቸውን አስተዳደራዊ አካል የሚመርጡበት፣

👉መንግሥት ለዜጎቹ የሚጠቅም ፓሊሲዎች እንዲያዘጋጅና እንዲተገብር የሚያደርጉበት፣

👉ሃሳብን የመግለጽ እድልን የሚያረጋግጡበት፣

👉የመልካም አስተዳደር መስፈንን የሚከታተሉበት ዓይነተኛ መሳሪያ ነው፡፡

🫵ባለመምረጥ ምን አሉታዊ ተጽዕኖዎች ይከሰታሉ?

👉ሊወክላቸው በማይችል ወኪል መተዳደር፣

👉ባልመረጧቸው እና ባልደገፏቸው የአስተዳደር አካላት ውሳኔ እንዲሁም አስተዳደራዊ ሥርዓት ስር ተገዢ መሆን፣

👉ዜጎች የደገፏቸው የተሻለ የአመራር ሥርዓት ያለው ተወዳዳሪ ተመራጭ አለመሆን፣

ስለዚህ ዜጎች አለመምረጥ የሚያስከትለውን አሉታዊ ተጽዕኖ ለመከላከል የዜግነት መብታቸውን በመጠቀም ድምፅ መስጠት ይኖርባቸዋል፡፡