በአንድ ጀምበር የአረንጓዴ ዐሻራ 805 ነጥብ 3 ሚሊየን ችግኞች ተተክለዋል – ጠቅላይ ሚኒስትር ዐቢይ (ዶ/ር)

አዲስ አበባ፣ ሐምሌ 27፣ 2018 (ኤፍ ኤም ሲ) በዘንድሮው የአንድ ጀምበር የአረንጓዴ ዐሻራ ችግኝ ተከላ መርሐ ግብር 805 ነጥብ 3 ሚሊየን በላይ ችግኞች ተተክለዋል አሉ ጠቅላይ ሚኒስትር ዐቢይ አሕመድ (ዶ/ር)፡፡

ጠቅላይ ሚኒስትር ዐቢይ (ዶ/ር) በሰጡት መግለጫ እንዳሉት ÷ በዛሬው ዕለት በተካሄደው ሀገር አቀፍ የአንድ ጀምበር የአረንጓዴ አሻራ ተከላ መርሐ ግብር 26 ሚሊየን ኢትዮጵያውያን በነቂስ ወጥተው ተሳትፈዋል፡፡

በዚህም 805 ነጥብ 3 ሚሊየን ችግኞች በመትከል የተያዘውን እቅድ ማሳካት መቻሉን አውስተው÷ ይህንን ታላቅ ተግባር ለፈጸመው የኢትዮጵያ ሕዝብ ታላቅ ምስጋና አቅርበዋል፡፡

የአንድ ጀምበር የአረንጓዴ ዐሻራ መርሐ ግብር ኢትዮጵያ መናገር ብቻ ሳይሆን በመደመር መተግበር እንደምትችል ያሳየችበት ተግባር መሆኑን አመልክተዋል፡፡