ፖሊስ ለኢትዮጵያውያን ምስጋናውን አቀረበ

በዚህም ከስደስተኛው ሃገራዊ ምርጫ አንስቶ የዘመን መለወጫ፣ የመስቀል በዓል( በሁሉም የሀገሪቱ አካባቢዎች) ፣የኢሬቻ በዓል በአዲስ አበባና በቢሾፍቱ ፣ የመንግስት ምስረታ የበዓለ ሲመት ስነ ስርዓት ያለ ጸጥታ ችግር መጠናቀቃቸውን የፈደራል ፖሊስ አስታወቀ።

ዛሬ በተሰጠው መግለጫም ግብረ ሃይሉ በግልጽ እቅድ ላይ ተመስርተው ስራቸውን ሰርተዋል ብለዋልም ።

ያለፉት ሁነቶች ያለአንዳች ችግር መጠናቀቃቸው በተቋማት መካከል ተናቦ የመስራት ልምድ የተገኘበት አጋጣሚን ፈጥሯልም ነው ያሉት ኮሚሽነር ጀነራሉ።

በተለያዩ አጋጣሚዎች በሚፈጠረው የመንገዶች መዘጋት ህብረተሰቡ ላሳየው ትዕግስትም የተለያዩ የፖሊስ አባላትና የደህንነት አባላት ሃገራዊ እና ህዝባዊ ሃላፊነታቸውን በሚገባ ተወጥተዋል ተብሏል።

ዘመናዊ ቴክኖሎጂዎችም በተልዕኮው ውስጥ ተግባራዊ ሆነዋል።

እነዚህን ሁነቶች ለማደናቀፍ ጥረት ሲያደርጉ የህወሓት የሽብር ቡድንና እና የሸኔ ቡድን ተልዕኮ የተሰጣቸው ግለሰቦች በአዲስ አበባ በቁጥጥር ስር መዋላቸውም ተገልጿል።

በግለሰቦቹ እጅ ላይም የተለያዩ የጦር መሳሪያዎች የተያዙ ሲሆን፥ ጉዳዩ ምርመራ እየተደረገበት በመሆኑ በቀጣይ መረጃው ለህዝቡ ይፋ ይሆናል ተብሏል።

በምስክር ስናፍቅ

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!