Fooramiin carraa hojii uumuu Afrikaa Finfinneetti gaggeeffamaa jira

Finfinnee Waxabajjii 30, 2017 (FMC )- Fooramiin carraa hojii uumuu Afrikaa 3ffaan magaalaa Finfinneetti gaggeeffamaa jira.

Fooramicharratti Ministira Muummee Itti aanaa obbo Tamasgeen Xurunaa, Dura Ta’aa Komishinii Gamtaa Afrikaa Mahaammad Alii Yusuuf, Ministirri Ministeera Hojii fi Ogummaa Mufaariyat Kaamil, Ministiroonni biyyoota Afrikaa, Ogeeyyiin kalaqaa fi hayyoonni damichaa biroon argamaniiru.

Fooramichi waggoottan lamaan darban akkaataa biyyoonni ardichaa qabeenya kuufama qaban gara dandeettiitti jijjiiruu danda’anirratti gaggeeffamuun ni yaadatama.

Haaluma kanaan dargaggoota Ardichaa miiliyoonaan lakka’amaniif carraan hojii mijataa fi dhaabbiin uumameera.

Fooramichi haala qabatamaa jiru ilaalcha keessa galchuun dandeettii dargaggootaa guddisuu fi carraawwanitti fayyadamuun humna kan uume yoo ta’u, kan bara kana diinagdee damee qonnaarratti kan xiyyeeffatudha.

Fooramichi har’aa eegalee hanga Adoolessa 2, 2017 kan turu ta’uun ibsameera.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FBC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.