Yuunivarsiitiin Raayyaa Ittisa Biyyaa barattoota ogummaa garaagaraan leenjisaa ture eebbisiisaa jira

Finfinnee, Adoolessa 5, 2017(FMC)- Yuunivarsiitiin Raayyaa Ittisa Biyyaa barattoota ogummaa garaagaraan leenjisaa ture guyyaa har’aa Magaalaa Bishooftuutti eebbisiisaa jira.

Yuuniivarsiitichi barattoota ogummaawwan maandisummaa, saayinsii fayyaafi saayinsii hawaasaan leenjisaa ture eebbisiisaa jira.

Sagantaa eebbaa kanarratti Ministira Raayyaa Ittisaa Injinar Ayishaa Mahaammad dabalatee qondaaltonni olaanoon Raayyaa Ittisaa, hoggantoonni olaanoon mootummaa, Ataasheewwan biyyoota garaagaraafi bakka bu’oonni qaamolee qooda fudhattootaa argamaniiru.

Pireezidaantiin yuunivarsiitichaa Birgaader Jeneraal Kabbadaa Raggaasaan barattoonni beekumsa gonfataniin dameewwan ogummaa bobba’an irratti itti gaafatamummaa isaanii akka bahatan sagantaa eebbaa kanarratti hubachiisaniiru.

Yuuniivarsiitichi hojiilee qorannoofi qo’annoo faayidaa biyyaalessaa qaban gaggeessaa jiraachuu kaasanii, sadarkaa raawwii dirqama raayyichaa guddisuuf hojjechaa jiraachuus ibsaniiru.

Yeshaambal Mihiratitu Gabaase.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: www.facebook.com/afaanoromoofana

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.