Biyya tasgabbeessuun dhaloota egereetti dabarsuuf gaheen dhaabbilee amantaa olaanaadha- Luba Taagaay Taaddalaa

Finfinnee, Adoolessa 28, 2017 (FMC) – Biyya tasgabbeessuun dhaloota egereetti dabarsuuf gaheen dhaabbilee amantaa olaanaadha jedhan Barreessaa Olaanaan Yaa’ii Dhaabbilee Amantaa Itiyoophiyaa Lubni Taagaay Taaddalaan.

Yaa’iin nageenyaa biyyaalessaa 4ffaan mata duree “ Amantaan nageenyaa, tokkummaafi walkabajaaf” jedhuun magaalaa Hararitti gaggeeffamaa jira.

Lubni Taagaay Taaddalaan yaa’ii kanarratti akka jedhanitti, duudhaaleen amantaa abbootiin tursiisanii asiin gahan akka hin badneef dhaabbileen amantaa gaheesaanii bahachuu qabu.

Waldhiibuurra walkabajuun waliin jiraachuun akka barbaachisu hubachiisuun, yaa’icharraas yaadni waloo Itiyoophiyaaf furmaata ta’u akka eegamu dhaaman.

Pireezidaantii Itti aantuun Naannoo Hararii Roozaa Umar gamasaaniin, nageenyi bu’uura waan hundaa ta’uu kaasanii, dhaabbileen amantaa hundi nageenya waaraa mirkaneessuufi tokkummaa biyyaalessaa cimsuuf hojjechuu akka qaban ibsaniiru.

Yeshaambal Mihiratitu Gabaase.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo. www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: www.facebook.com/afaanoromo

fanaTiktokhttps://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.