Hanqinaalee kenniinsa tajaajilaarratti mul’atan sirreessuuf mariin gaggeeffame

Finfinnee, Hagayya 3, 2017 (FMC) – Hanqinaalee kenniinsa tajaajila mootummaarratti akka biyyaatti mul’atan furuuf har’a waltajjiin marii gaggeeffameera.

Miseensota Mana Maree Paartii Badhaadhinaa dabalatee hoggantoonni olaanoo dhaabbilee adda addaa bakka argamanitti waltajjiin marii mata duree ‘Tajaajila Caalmaa, Bayyanannaa Itiyoophiyaaf’ jedhuun gaggeeffameera.

Maricha kan dursan Pireezidaantii Itti aantoonni Paartii Badhaadhinaa obbo Tamasgeen Xurunaa fi Adam Faaraahiin gaaffii fi yaada hirmaattotarraa ka’aniif ibsaa fi deebii kennaniiru.

Miseensonni Mana Maree Paartii Badhaadhinaa fi hoggantoonni olaanoon dhaabbilee tajaajila si’ataa fi yeroo madaalu kennuu keessatti gumaacha isaanii bahachuu akka itti fufan waltajjirratti gaafatameera.

Bara baajataa itti aanutti kenniinsa tajaajilaa damee hundaan milkaa’aa ta’e mirkaneessuuf hoggantoonni tarkaanfiiwwan saffisaa fi kalaqaan deeggarame hojiirra oolchuu akka qaban ibsameera.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: www.facebook.com/afaanoromoofana

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.