Yaa’iwwan Finfinneetti gaggeeffaman Dippiloomaasii Magariisaaf fayyadamuun barbaachiisaadha

On Aug 19, 2025 23

Finfinnee, Hagayya 13, 2017 (FMC)- Yaa’iwwan idil Addunyaa fi Ardii Magaalaa Finfinneetti gaggeeffaman dippiloomaasii Magariisaaf fayyadamuun barbaachiisadha jedhan Hayyoonni Hariiroo Idil Addunyaa.

Yaa’iin 2ffaa Eegumsa naannoo Afrikaa Itiyoophiyaan keessummeessitu muuxannoo Ashaaraa Magariisaa kan itti qooddu ta’uu Hayyuun Hariiroo Idil Addunyaa fi Dippiloomaasii Piroofesar Biruuk Hayiluun ibsaniiru.

Sagantaa Ashaaraa Magariisaan hojiilee Itiyoophiyaan damee Qonnaa fi Eegumsaa naannoon raawwateen yaa’icha qopheessuuf filatamtuu ishee taasisa kan jedhan immoo Xilaahuun Kabbadaati.

Taateen kun dhiibbaa uumtummaa Itiyoophiyaas kan guddisuudha jedhan.

Itiyoophiyaan jijjiirama qabeenya qilleensaa ittisuuf hojiileen hojjetteen yaa’icha dippiloomaasii Magariisaaf fayyadamuu akka qabdu hubachisaniiru.

Yaa’ichaan Itiyoophiyaan hojiilee Ashaaraa magariisaan waggoottan darban hojjette Addunyaaf kan agarsiistu akka ta’uu Hayyoonni kunneen himaniiru.

Maqdas Kabbadaatu gabaase.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo