Itiyoophiyaan Humna Elektirikaan Afrikaa Bahaa walitti hidhuuf hojjetaa jirti

Finfinnee, Hagayya 24, 2017 (FMC)- Itiyoophiyaan qabeenya kuufamaa anniisaa haaroomfaaman qabdu misoomsuun Baha Afrikaa Humna elektirikiin walitti hidhuuf hojjechaa jirti jedhan Ministirri Ministeera Bishaanii fi Inarjii Dooktar Injiinar Haabtaamuu Ittafaan.

Itiyoophiyaan Baha Afrikaa bira darbitee biyyoota biroo humna elektirikiin walitti hidhuun wiirtuu anniisaa ta’uuf galma ka’ame milkeessuuf qabeenya kuufama qabdu faayidaarraa oolchaa jirti jedhan.

Bu’uuraaleen misoomaa dhiyyeessii humnaaf Itiyoophiyaan diriirsa jirtu naannawicha bira darbee biyyoota biroo fayyadamoo kan taasisu ta’uu dubataniiru.

Qabeenyi Bishaanii, Qilleensaa, Aduu fi anniisaa Elektirikii misoomsuu, maddisiisuufi raabsuuf Itiyoophiyaan qabdu dandeettii olaanaa kan uumanidha jedhan.

waggoottan shanan darban dhiyyeessii humnaa guddisuuf hojiileen hojjetaman bu’a qabeessa ta’uu kaasaniiru.

Hidha Guddicha Haaroomsaa Itiyoophiyaa dabalatee hojiileen misoomaa humna haaroomfamaan hojjetamaa jiran biyyattiin of bira darbitee biyyoota ollaa wajjiin walitti hidhuuf tattaafii eegalte kan ariifachiisan ta’uu dubbataniiru.

Keessattuu ijaarsa bu’uuraalee misoomaa biyyoota ollaa wal qunnamsiisaniif xiyyeeffannoon kennamee hojjetamuun hunda fayyadamoo kan taasisu ta’uu eeran.

Itiyoophiyaan Keeniyaa, Jibuutii fi Sudaaniif humna elektirikii gurguruun bira darbee damichaan biyyoota biroo walitti hidhuuf karoora qabattee milkeessuuf cichoominaan hojjechaa jiraachuu himuu isaanii TOI gabaaseera.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.