Siimpooziyeemiin aadaa, Afaanii fi seenaa saba Gaamoo gaggeeffamaa jira

Finfinnee, Fulbaana 12, 2018 (FMC) – Qaama kabaja Ayyaana ‘Yoo Maasqalaa’ Gaamoo kan ta’e Siimpooziyeemiin aadaa, Afaanii fi seenaa saba Gaamoo gaggeeffamaa jira.

Siimpooziyeemiin aadaa, Afaanii fi seenaa saba Gaamoo kun magaalaa Aarbaa Mincitti gaggeeffamaa jira.

Siimpooziyeemichi mata duree’Dubushaa fi Dubushaa waggaa nageenyaa fi misooma keenyaaf’ jedhuun kabajamaa jira.

Pireezidaantii naannoo Kibba Itiyoophiyaa obbo Xilahuun Kabbadaa, Ministira Ministeera Aadaa fi Ispoortii aadde Shawiit Shaankaa fi hoggantoonni mootummaa federaalaa fi naannolee saganticharratti argamaniiru.

Duudhaa fi aadaa ’Dubushaa fi Dubushaa’ tiksuun dhalootaaf dabarsuurra darbee Mootummoota Gamtoomaniitti Dhaabbata Barnootaa, Saayinsii fi Aadaatti galmeessuuf hojjetamaa jiraachuu eerame.

Bu’aaleen hojii ogummaa, nyaanni fi dhugaatiin aadaa, uffataalee fi faayawwan, akkasumas hambaaleen seenaa Siimpooziyeemicharratti dhiyaataniiru.

Ibsituu nageenyaa, walummaa fi tokkummaa saba Gaamoo kan ta’e ayyaanni ‘Yoo Maasqalaa’ guyyaa boruu kabajama.

Mastawaal Asaffaatu gabaase.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: www.facebook.com/afaanoromoofana

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.