Naannoon Gaambeellaa warqee kiilogiraama kuma tokkoo fi 500 ol Baankii Biyyaalessaatti galche

Finfinnee, Onkoloolessa 6, 2018 (FMC) – Kurmaana 1ffaa 2018 kanatti warqeen Kiilgiraamni kuma tokkoo fi 500 ol Baankii Biyyaalessaatti galii ta’uu Ejensiin Albuudaa Naannoon Gaambeellaa beeksise.

Dayreektarri itti aanaan ejensichaa obbo Eliyaas Gadaamuu akka ibsanitti, naannichi kurmaana 1ffaa bara baajetaa kana keessa warqee kiilogiraama kuma tokkoo fi 500 galchuuf karoorfatus, karooraa ol kiilogiraama kuma tokkoo fi 588 Baankii Biyyaalessaatti galcheera.

Warqeen galii ta’e kun kan bara darbee yeroo walfakkaataan yoo madaalamu kiilogiraama 682’n caalamaa akka qabu eerameera.‎

Naannichtti bara kana warqee Kiilogiraama kuma ja’a galchuuf karoorfamee hojjetamaa jiras jedhame.
‎
Xiyyeeffannaa mootumman damee kanaaf kenne warqeen Baankii Biyyaalessaa galu akka dabalu gochuu ibsanii, fooyya’iinsi dinagdee gooroo daldal seeraan alaa warqee akka hir’atu gargaareera jedhan.
‎
Akka naannichatti warqeen bal’inaan kan oomishamu aanaalee afur keessatti akka ta’es ibsaniiru.

Abduu Mahaammadtu gabaase.‎

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.