Itiyoophiyaa fi Baankiin Investimentii Misooma Bu’uuraa Eshiyaa tumsa qaban cimsuuf waliigalan

Finfinnee, Onkoloolessa 8, 2018(FMC) – Itiyoophiyaan fi Baankiin Investimentii Misooma Bu’uuraa Eshiyaa tumsa qaban cimsuuf waliigalaniiru.

Ministeerri Maallaqaa Ahimad Shidee walga’ii waan Baankii Addunyaa fi IMF cinatti pirezidaantii itti aanaa baankichaa Ajaay Bushaan Paandii waliin mari’taniiru.

Tumsa Itiyoophiyaa fi Baankicha gidduu jiru baballisuun pirojeektota bu’uuraalee misoomaa fi qabeenya qilleensaa maallaqaa deggeruun haala itti danda’amu irratti mari’taniiru.

Ministirri Maalla1aa Ahimad Shidee, biyyoonni guddachaa jiran galama bu’uuraalee misoomaa fi qabeenya qilleensaa isaanii milkeessuuf akka danda’aniif Faayinaansii dabalataa bal’isuu akka barbaachisu cimsanii kaasaniiru.

Pirojeektii buufata xiyyaaraa idil addunyaa haaraa eegalame ilaalchisees ibsa wayitawaa kennuun pirojeektota annisaa ijoo Itiyoophiyaatti ijaaramaa jiraniifis deggersi baankichaa ga’ee guddaa akka qabu kaasaniiru.

Pirezidaantii Itti aanaan baankichaa gama isaaniin kutannoo cimaa Itiyoophiyaan gama fooyya’iinsa dinagdee fi ijaarsa bu’uuraalee misoomaan argisiiste jajaniiru.

Baankichi tumsa Itiyoophiyaa waliin qabu cimsuu fi guddina hammataa fi ittifufaa deggeruuf qophii ta’uu isaa mirkaneessaniiru.

Maree kanaan Baankiin Inveestimeentii Bu’uraalee Misoomaa Eshiyaa pirojeektota bu’uuraalee misoomaa gurguddoo kanneen akka geejjibaa, annisaafi dameelee biroo maallqaan deggeruuf waliigalaniiru.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.