Aadde Adaanech Abeebeen ijaarsa manneenii kuma 26 eegalchiisan

Finfinnee, Sadaasa 25, 2018(FMC)- Kantiibaan Magaalaa Finfinnee aadde Adaanech Abeebeen ijaarsa manneenii kuma 26 teeknooloojii ammayyaan deeggarame eegalchiisaniiru.

Karoorawwan ijoo bara kana qabanne keessaa inni duraa jiraattota magaalaa keenyaaf dhiyeessii manneen jireenyaa waliin gahuudha kan jedhan aadde Adaanech, bara kana manneen kuma 100 ol ijaaruuf karoorri qabamee hojjetamaa akka jiru eeraniiru.

Karoora kana qulqullinaafi ariitiin raawwachuuf teeknooloojii ijaarsaa akka biyyattiitti kan jalqabaa ta’e Cold-Formed Steel (CFS) fayyadamuun filannoo jalqabaa godhachuun guyyaa har’aa hojii eegalchiisneerra jedhan.

Warshaan teeknooloojii kanaa Kutaa Magaalaa Nifaas Silk Laaftootti ijaaramuu ibsuun, ariitii ijaarsaa guddisuuf, baasii hir’isuufi qulqullina fooyyessuuf filatamaa ta’uu kaasaniiru.

Bulchiinsi magaalichaa gaaffii jiraattotaa deebisuufi fayyadamummaa mirkaneessuuf hojjechaa jiraachuus ibsaniiru.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.