Ministeerri Fayyaa raabsa talaallii Dirooniin deeggarame ifatti eegale

Finfinnee, Mudde 19, 2018 (FMC)- Naannawaa sodaan Vaayirasii Maarbargi jirutti hojiin lubbuu baraaruufi talaaliiwwan dirooniin qaqqabsisuu guyyaa har’a ifatti eegaleera.

Ministeerri Fayyaa fi Bulchiinsi Nageenya Odeeffannoo waliin ta’uun raabsa talaallii dirooniin deeggarame Naannoo Kibba Itiyoophiyaa Aanaa Daassanachitti eegalchiisaniiru.

Sagantaan kun Ministeerichi tattamsa’iina weerara ittisuufi lubbuu lammiilee naannawaa fagoo jiratanii baraaruuf tarkaanffii fudhate keessas tokko ta’uun eerameera.

Haaluma kanaan Aanaa Daassanachitti raabsi talaallii dirooniin deeggarame milkaa’inaan xumuramuu Ministeerichi Faanaa Diijitaaliif himeera.

Ministeerri Fayyaa fi Tajaajilli Dhiyeessi Qorichaa Itiyoophiyaa teeknooloojiitti fayyadamuun weerara ittisuu fi to’achuuf dandeettii qaban gara sadarkaa olaanaattii ceesisuu qabatamaan agarsiisaniiru.

Dabalataniis Itiyoophiyaan weerara qolachuuf dandeettii keessoo isheefi bu’aalee teeknooloojjitti fayyadamuu eegaluu kan agarsiisu jalqabbii gaarii ta’uun ibsameera.

Fuuldurattis dirooniin hojiin qoricha dhiyeessuu qooda fudhattoota waliin cimee kan itti fufuu ta’uunis eerameera.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.