Hambaan dhala namaa waggoota miiliyoona 2.6 lakkoofsise naannoo Afaaritti argame

Finfinnee, Amajjii 13, 2018 (FMC) – Hambaan dhala namaa waggoota miiliyoona 2.6 lakkoofsise kan moggaafni Paaraantirooppis jechuun kennameef nnaannoo Afaar Miillee Loogiyaatti argame.

Abbaan Taayitaa Hambaalee Itiyoophiyaa hojiilee hojjetu keessaa tokko hambaa dhala namaarratti qorannoo gaggeessuu ta’uu Itti Aanaan Daayrektera Olaanaa abbaa taayitichaa Eeliyaas Shukur ibsaniiru.

Qorattoonni Itiyoophiyaa qorattoota biyya alaa waliin ta’uun qo’annoo fi qorannoo dhala namaarratti gaggeessaniin Itiyoophiyaan bakka argama dhala namaa ta’uu Addunyaatti beeksisaniiru jedhan.

Guyyaa har’aas qorattoota Yuunivarsiitii Ameerikaa Chigaagoo waliin ta’uun sanyii dhala namaa kana dura argamee hin beekne argachuu dubbatan.

Argannoon kunis Itiyoophiyaa bakka argama dhala namaa ta’uu caalmaatti kan mirkaneesse ta’uu eeran.

Argannoon kun Barruu beekamaa Neechar jedhamurrati maxxanfamuu himan.

Miikiyaas Ayyalaatiin

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.