Daandiin asphaaltii konkiriitii Tulluu Boolloo- Keellaa eebbisiifame

Finfinnee, Amajjii 17, 2018 (FMC) – Daandiin asphaaltii konkiriitii Tulluu Boolloo- Keellaa kiiloomeetira 81.6 dheeratu eebbisiifameera.

Daandichi baasii mootummaa federaalaa Birrii biiliyoona 1 fi miiliyoona 300 ijaaramuun ibsameera.

Saganticharratti Pirezidaantii Naannoo Giddugaleessa Itiyoophiyaa Dooktar Indaashaawu Xaasoofi Ministir Deetaa Ministeera Magaalaafi Bu’uuraalee Misoomaa Yeetim Geetaa dabalatee hoggantoonni mootummaa olaanoon biroon argamaniiru.

Pirezidaantiin Naannoo Giddugaleessa Itiyoophiyaa Dooktar Indaashaawu Xaasoon wayita kana akka jedhanitti, daandichi daldalli, invastimantii fi indaastiriin akka babal’atu, invastaroonni naannawicha akka filataniifi hariiroon aadaa uummattootaa akka jabaatuuf qooda olaanaa qaba.

Ministir Deetaan Ministeera Magaalaa fi Bu’uuraalee Misoomaa Yeetim Geetaa Asraat gama isaaniin, mootummaan bu’uuraalee misoomaa akka meeshaa ijoo ammayyummaafi guddinaatti fudhachuun xiyyeeffannoon hojjechaa akka jiru ibsaniiru.

Sammahaanyi Nigaatuutu gabaase.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.