Humni Qilleensaa balaliistoota gahumsa ajaa’ibaa mul’isaniif beekamtii kenne

Finfinnee, Amajjii 21, 2018 (FMC)- Humni Qilleensaa Itiyoophiyaa ‘agarsiisa qilleensarraa Leencoota Gurrachaarratti’ balalistoota gahumsa ajaa’ibaa galmeessanii fi qaamolee hirmaatanif beekamtii kenneera.

Sagantaa beekamtichaarratti Ajajaa Olaanaan Humna Qilleensaa Itiyoophiyaa Leetanaal Jeneraal Yilmaa Mardaasaan, balaliistoota samii biyyattii ogummaa fi gootummaan midhagsaniif beekamtii kennaniiru.

Leetanaal Jeneraal Yilmaan sagantcharratti ergaa dabarsaniin, balaliistoonni gahuumsa olaanaa mul’isan agarsiisaa loltummaa irra darbuun olaantummaa teeknooloojii fi qophaa’ummaa hundagaleessaa dhaabbatichaa addunyaaf kan mul’isedha jedhan.

‘Dhaabbaticha bira darbanii biyyattii boonsaniiru kan jedhan Leetanaal Jeneraal Yilmaan, dandeettii raawwachuu humna qilleensaa mirkaneessitaniirtu’ jechuun balaalliistoota kanneen leellisaniiru.

Beekamtiin kenname balaliistoota birmadummaa biyyaaf arsaa kaffalaniif kabaja kennuuf, Dhaloota itti aanuuf kaka’umsaa fi hamiilee uumuu fi olaantummaa Humna Qillensaa Itiyoophiyaa mirkaneessuuf tattaaffii taasifamu caalmaatti cimsuuf kan deeggaru ta’uun ibsameera.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.