Qabeenya Dilbii Oromiyaan qabdu misoomsuufi beeksisuun madda galii taasisuuf hojjetamaa jira- BATO

Finfinnee, Amajjii 21, 2018 (FMC) – Qabeenya Dilbii Oromiyaan qabdu misoomsuufi beeksisuun madda galii taasisuuf hojjetamaa jira jedhe Biiroon Aadaa fi Tuurizimii Oromiyaa.

Jijjiiramaan asitti qabeenya dilbii naannichi qabu misoomsuufi beeksisuun madda galii taasisuuf xiyyeeffannoo olaanaa argatee hojjetamaa jiraachuu hime.

Bu’uuruma kanaan guyyaa har’aa sagantaan daawwannaa, beeksisaafi agarsiisa aadaafi bakkeewwan tuurizimii Oromiyaa walta’iinsa Biiroo Aadaafi Tuurizimii Oromiyaafi Godina Harargee Bahaan qophaa’uun gareen Miidiyaalee, Kominikeeshinii fi Rogeeyyii miidiyaan Paarkii Baabbileetti eegaleera.

Kaayyoon isaas bakkeewwan hawwata tuurizimiifi aadaa godinichaa beeksisuuf yoo ta’u,har’aafi boruu godinichaafi Magaalaa Maayaatti daawwannaan bakka hoggantuun Biiroo Aadaafi Tuurizimii Oromiyaa Aadde Jamiilaa Simbiruu,bulchituun godina Harargee Bahaa Aadde Miskii Muhammad fi keessummoonni garaagaraa argamanitti kan taasifamu ta’uu ragaan BKO irraa argame ni mul’isa.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.