Bu’uura kallattii kaa’ameen dhimmoota xiyyeeffannoo barbaadan irratti raawwii gaariin galmaa’eera- Obbo Adam Faaraah

Finfinnee, Guraandhala 5, 2018(FMC)- Bu’uura kallattii kaa’ameen dhimmoota akka biyyaatti xiyyeeffannoo barbaadan irratti raawwii gaariin galmaa’eera jedhan Sadarkaa Ministira Muummee Itti aanaatti Hogganaan Giddugala Qindeessa Ijaarsa Sirna Diimokiraasiifi Pirezidaantii Itti aanaan Paartii Badhaadhinaa Obbo Adam Faaraah.

Waltajjiin gamaaggama supperviizhinii deeggarsaa hojiilee mootummaafi paartii baatiiwwan jahan dabanii xumurameera.

Obbo Adam Faaraa wayita kana kallattiiwwan sadarkaa sadarkaan galmoota milkeessuuf kaa’aman raawwii fooyya’aa galmeessisuu ibsan.

Kallattiiwwan Pirezidaantii Paartichaa Ministira Muummee Dooktar Abiy Ahimadiin kaa’aman milkeessuuf hoggansi uummata waliin ta’uun hojjechuu eeraniiru.

Qaala’iinsa jireenyaa salphisuu, misooma kooriidarii, nageenya mirkaneessuu, dijiitaalaayizeeshinii, misooma indaastirii, bu’uuraalee misoomaafi dameewwan biroon galmoota qabaman milkeessuuf hojiileen hojjetaman raawwii fooyya’aa galmeessuu fi muuxannoo gaariin irraa fudhatamuu dubbataniiru.

Muuxannoowwan kanneen babal’isuun, dhaabbilee qindeessuun fi deeggarsaafi hordoffii walitti fufiinsa qabu gochuun raawwii olaanaaf hojjechuun barbaachisaadha jedhaniiru.

Dhimmoota yeroo itti aanutti xiyyeeffannoo barbaadaniifi fooyya’uu qabanirratti kallattii kaa’aniiru.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.