Fiigicha walakkaa Maaraatoonii Atileetoota 638 hirmaachisu…

Finfinnee, Caamsaa 29, 2018 (FMC) – Fiigichi walakkaa Maaraatoonii Itiyoophiyaa 19ffaan Atileetoota 638 hirmaachisu guyyaa boruu Finfinneetti gaggeeffama.

Fiigicha ka’umsaa fi xumura isaa Addabaabaayii Masqalaa taasifate kanarratti Atileetoonni dhiiraa 455 fi dubartootaa 183 ni hirmaatu jedhame.

Kaayyoon dorgommichaa fiigicha walakkaa Maaraatoonii Siwiidinitti gaggeeffamurratti Atileetoota Itiyoophiyaa bakka bu’an filachuu fi bakka buutoota horachuuf ta’uutu ibsame.

Dorgommichaan Atileetoonni sadarkaa 1ffaa – 6ffaa bahan badhaasa Maallaqaa fi meedaaliyaa ni argatu.

Baay’inni hirmaattota dorgommii bara kanaa kan bara darbeen yoo madaalame atileetota 434 caalmaa qaba.

#Oromia #Ethiopia