Laaboraatooriwwan qorannoo Addaa torban Yuunivarsiitii Raayyaa Ittisaa
Finfinnee, Adoolessa 19, 2018 (FMC) –Yuunivarsiitiin Raayyaa Ittisaa Itiyoophiyaa har’a Wiirtuu Giddugaleessaa Laaboraatoorii Olaanaa damee barnoota, qorannoo fi teeknooloojii keessatti boqonnaa haaraa banaan itti amaname eebbisiiseera.
Wiirtuu Giddugaleessaa Laaboraatoorii Olaanaa kun Laaboraatoorii qorannoo addaa 7 kan hammateedha.
1.Laaboraatoorii Nageenya Saayibarii:- Birmadummaa Diijitaalaa tiksuuf, sirna odeeffannoo Raayyaa Ittisaa, Tajaajila Baankilee, bu’uuraalee misoomaa Teeleekominikeeshinii fi Qabeenyaa murteessuu biyyaa Haleellaa Saayibariirraa tiksuuf kan tajaajiluudha.
2.Laaboraatoorii Hubannoo Namtolchee:- Wiirtuu qorannoo ammayyaa dandeettii ittisaa fi teeknooloojii Itiyoophiyaa guddisuuf hundeeffame dha.
3.Laaboraatoorii Humna Elektirikaa:- Kunis sirna humna elektirikii (Power System Engineering), humna haaromfamuu danda’u, elektirooniksii humnaa fi sirnoota ammayyaa to’annoo humnaa irratti leenjii fi qorannoo gaggeessa.
4. Laaboraatoorii Awutoomeeshinii :- Innis Indastiriiwwan ittisaaf akkasumas guddina indaastirii biyyaaf misooma teeknooloojii barbaachisan ni guddisa.
5. Laaboraatoorii Kominikeeshinii fi Elektirooniksii:- Wiirtuun kun humna elektiroomaagneetiksii waraana ammayyaa cimsuu, sirna qunnamtii ammayyeessuu fi qorannoo teeknooloojii guddisuuf kan hundeeffameedha.
6. Laaboraatoorii Pirootootaayippii fi Dizzaayinii 3D :- Yaada gara diizaayinii, diizaayinii immoo gara oomisha dhugaaatti jijjiiruun kalaqaa fi oomisha biyya keessaa guddisuuf hundeeffameera.
7. Laaboraatoorii Siimuleeshinii Narsiingii:-Ogeeyyii fayyaa haala hojii dhugaa fi leenjisuun ogummaa isaanii akka cimsatan gargaaruuf kan hundeeffame wiirtuu leenjii yaalaa ammayyaati.
Alemsaggid Asaayyeetiin
#Oromia #Ethiopia