በአምባሰል ወረዳ ራስ ጠቆሮ ጥብቅ ደን ላይ የእሳት አደጋ ተከሰተ

ከመልክዓ ምድራዊ አቀማመጡ አመቺ አለመሆንና በደኑ ውስጥ ተቀጣጣይ ሳር ከመብዛቱ ጋር ተያይዞም የእሳት አደጋውን ለማጥፋት የሚደረገውን ጥረት ሥራውን ፈታኝ እንዳደረገው ተጠቁሟል።

የአደጋው መንስኤ በተመለከተም እሳቱ ከግለሰብ ማሳ ተነስቶ ወደ ደኑ እንደተዛመተ ታውቋል፡፡

የአምባሰል ወረዳ አካባቢና ደን ጥበቃ ተጠሪ ጽህፈት ቤት ተወካይ ኃላፊ ወይዘሮ ዚነት ሙሃመድ ÷ የደኑ የቆዳ ስፋት 8 ሄክታር መሆኑን ገልፀው እሳቱ የተነሳው በምስራቅ አቅጣጫ ዲሽቅ ተራራ ተብሎ በሚጠራው አካባቢ መሆኑን ተናግረዋል፡፡

ግብረ ኃይል ተቋቁሞ ወደ ስፍራው እንዳመራ መናገራቸውን ከደቡብ ወሎ ዞን መንግስት ኮሙኒኬሽን መምሪያ ያገኘነው መረጃ ያመላክታል፡፡

በጥብቅ ደኑ ወይራ፣ ጥድ፣ ኮሶ፣ ዝግባና ሌሎች የደን ሐብቶች እንዲሁም ነብርን ጨምሮ ሌሎች የተለያዩ አጥቢ እንስሳትና አዕዋፋት እንደሚገኙ መረጃዎች ያመላክታሉ፡፡

ወቅታዊ፣ ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision
ዘወትር ከእኛ ጋር ስላሉ እናመሰግናለን!