የኒውክሌር ስምምነት ላይ ለመድረስ ማዕቀቦች መነሳት አለባቸው- ኢራን

ከአሜሪካ ጋር ፊት ለፊት ለመነጋገር ጊዜው ገና እንዳልሆነ ጠቅሰው ከቴህራን ጋር ስምምነት ላይ ለመድረስ በፈለገችው ዋሺንግተን ቅንነት ላይ ጥርጣሬ እንዳለቸውም ገልጸዋል።

ማዕቀቦችን ማንሳት የመፍትሄ አካል መሆን አለበት ያሉት ፕሬዚዳንቱ፥ ጉዳዩን በጥንቃቄ ለመቋጨትም በኢራን ላይ የሚነሱ ፖለቲካዊ እና መሠረተ ቢስ ውንጀላዎች ሊቆሙ እንደሚገባ አስገንዝበዋል፡፡

ዋስትናዎችን በተመለከተ የተጣሉ ማዕቀቦችን በዘላቂነት ማንሳት እንጂ ጊዜያዊ እርምጃ እንደማይፈልጉ ጠቅሰዋል፡፡

ለጉዳዩ አስተማማኝና ዘላቂ መፍትሄ ከተገኘ በእርግጠኝነት ስምምነት ላይ መድረስ ይቻላል ማለታቸውን አልጀዚራ ዘግቧል።